[ALIGN=CENTER]
اخواني الكرام
السلام عليكم ورحمة الله وبركاته
عظم الله اجر الجميع ورحمك الله ابا خالد
وغفر لنا ولك ولعامة المسلمين آمين .
حاولت المشاركة بما استطيع في رثاء رمزنا الغالي
واعترض لي ماكتبه استاذي الكاتب منيف الحربي
بخصوص الفاسق تركي ناصر وهو ماأخر الموضوع
نوعا ما لبعض الاضافات والتعديلات .. عموما العذر
عن الاطالة مقدماً .. والمنى أن تحوز على رضاكم
ياللــه ياوالــ ن عليـــه اتكلنـــــا * نسألـك يالمعبـود تجبر عزانـــــا
هوون علينا مانـزل في وطننــا * واحسن عــزا حكامنــا وزملانــا
أسود خميسن مظلمـن من زمنـا * جانا الخبـر في موت قايـد لوانـا
رمز الرموز ورمزنا راح عنـــا * غصبن علينا مارحل في رضانـا
والله لولا المـوت بالديـن سنـــّـا * اليـوم بفلانــ ن وبعـــده فلانـــــا
لاقـول ليتـه عنــه صــد وتأنــّـا * وخلا قمرنا ساطعـ ن فـي سمانا
ياضعف حيلتنـا مغيـــر نتمنــّى * وياليــت بالاهـاآآت نلحـق منانــا
كنت احسب انـي بالشدايــد مكنـّا * لكنهـا الاحــزان تظهــر قوانــا
للمـره الاولـى اشـــوف المعنــّــا * كمـا صغيـرن فاقــدن للحنانـــا
عيـون نصري للدمــوع سكبنـّــا * أربع على أربع جمعهـا بالثمانا
ياذاك يومـ ن صاعقـ ن كيف كنّا * والدمع وسـّـم في طريقه مكانا
ضاعت علوم وبالحشــا مكننـّـا * ضيق وألم وهم بمصـاب جانـــا
عصر قلوبـ ن طايعه او عصنـّا * والحـزن عـم المجتمـع وشوانــا
مـات الحبيــب وكفنــوه بكفنــّـا * وبـ حـر صيفـه نام باسفـل ثرانـا
قبرن ظلامـ ن دامسـ ن موحشنـّا * ياللـه تقبــّـل لـه بقبــره دعانـــا
تجـزاه بالخيـرات والخيـر عنــّا * ونـور وبراد وهالقسـى بالليانـــا
أسألـك ياالمعبود قصورن تبنـّى * مع حـور عينـه نايفـ ن بالجنانــا
يارب يارحمن .. هـي مانتمنــى * وأسود خميسه له بياض خفانـــا
وياشاريـ ن للتفرقـة بشراك بعنـا * كل الصغايـــر بتركــه للجبانــا
غاب التوازن بيننــا وانشحنـّا * صرنا نسوقه حرف نرضي هوانا
مـرة نقول بعلـم وأمـرار ظنــّــا * خطا شنيعـ ن واستبيحت دمانــا
ببعــد وبتــرك همهـــم واتهنــّـا * بـ نصرن نظيفن واضحن للعيانا
لاشك موت الرمـز أمـرن فتنــّــا * لكن لرد المعتـدي عـن حمانـــا
نجمع بهـا الفارس ودورِه تبنــّى * وننسى قديم الخــط لو مانسانــا
وش لي برأي لشامنـا او يمنـــّـا * الله يعــز اللـي بنجــدن رعانـــا
هذي حروفـ ن بالهوى يشطحنــّا * يانصر كوم ونت وكلـوب مانــا
ياهـل الشيـم في سرنـا أوعلنــّـا * دمـح الخطايــا واجبـ ن للكيانـــا
وماكان في وقته حروبـ ن تشنّا * نقلب مراميهــا على من رمانــــا
نلعن بليس وبالخطـا من تجنـّى * نـدق خشمــه ليــن يمسـي مهانــا
ماخاب طـلاب قرومـ ن سقنـّـا * أصل الشهامـه والعنا هو عنانـــا
والعفـو يامـن بالخفــى تلحننــّـا * هذا طريق الحق .. هذا الضمانـا
شفنـا نواقـص بالفجيعـه تغنــّى * شيـن الطبايع في عزانـا هجانـــا
تركي ولـد ناصر ألعـن مكنــّى * بمغيب اسدنا .. عنــز ترفع اذانــا
حمـر الليالـي ياولـــد شبكنــــّـا * في حرمة الاموات يطلب رهانــا
ضاعت علوم المرجله وطبعنّا * في وجنته لابليـس رسمـ ن يبانــا
وأصل الملامـه لسلطانه تثنـّى * مدام هو بالـدوم يرضـى الهوانــا
إن كان منت بحولها حـل عنـّا * اتـرك ركايبهـا لشخصـ ن معانـــا
وإلا لـ حق الرمز وبدون منــّا * وياكبرهـا مـن حـق بعــد الدفانــا
رده وهاته واشطبه من وطننّا * وشطب الهبيله ليت يروي ضمانا
في غيرها بنشـدك ليـه تتبنــّى * وللسافـل المذكـور تعطـي الامانـا
وابن بخيــت وبكرهـا يسبقنــّا * لاشـك صمتـك للرياضــة خيانـــا
ختامها ندعي بما السنن خبرنّا * خيـرن مـن الدنيــا ووردة ديانـــا
لجبل صمودن واقفـ ن ماتهنّى * ما بين هـم البيـت وظلم قصرانـا
مرحـوم ياراسـ ن لربه تدنــّى * مرحوم ياشامـخ بطـول الزمانـــا
إن خذت حقك بالمثل او هفنّا * ترى الوعد يارمـز يومـ ن ورانـا
ابشر بحقـ ن كاملـ ن موفَينــّا * مايضيــع وقتـــه للمطالـب أمانــا
وصلاة ربي عد حرفن تجنـّى * على النبي وعداد من هو رثانـــا
تركي ولد ناصر ..!! 
