كنت جالس باحد البارات الرياضيه اتابع مباراة البرتغال واليونان هذي قبل ايام طبعا المهم دخل واحد وشافني مندمج مع المباراه قالي . من وين انت بالانجليزي طبعا . قلت من السعوديه . قال واااو . المهم هو جاي يجلس ويلعب بلياردو خلصت المباراه قالي تعالي العب بلياردو معي ومع اصدقاي قلت طيب والعب معهم قعد يقولي انا احب السعوديه قلت شكل الرجال رايح للسعوديه اول قلت ليش وش تعرف بالسعوديه ........
قالي اعرف ماجد عبدالله . طبعا هو قالها بالانجليزي يوم قال اسم الاسطوره على لسانه قلتله كيف عرفته طيب . قال انا ما احب الكوره بس قال كل كاس آسيا يصير اول اقرا بالصحف ماجد عبدالله ماجدعبدالله . ويقول شفته مره يلعب ويقول اخذو الكاس . ويقول ماجد عبدالله اخذ الهداف بالبطوله .
افرحوووو يا عالميين . افرحووووووووو . |111|
وقفو ترى فيه سالفه ثانيه .
معي واحد صيني عمره بالثلاثين يدرس معي بنفس الكلاس . المهم قعد يسولف معي قالي انت وش تشجع من افرقة العالم . قلتله الفريق الاول بحياتي النصر بعدين يجي برشلونه .
قال النصر اعرف النصر قال اخذ كأس آسيا اكثر من مره قلت ايوه . |111|
قال لعب في بطولة العالم قلت ايوه . |111|
قال معهم ماجد عبدالله قلت وقف كيف عرفته . |111|
قال عام اربع وثمانين جاب على الصين هدف ما ينسى يقول كنت حاظر المباراه على التلفزيون ويوم دخل الهدف المعلق صار يقول اسمه ومن وقتها وانا حافظ اسمه .
نبذه عن شهرة الاسطوره ماجد عبدالله 
