مثل ماكنت انا وحسام والاقرع وابو رايش متوقعين فازت التشيك بأقل مجهود وحرام الدانمارك تخش دور الثمانية :p
وقد صرح أبو رايش بعد المباراة قائلا / صراحة ياشباب المباراة ذي مال امها داعي لانها من فريق واحد لو اننا مستفيدين من الساعه ونص هذي اللي جلسنا نتابعهم ورحنا لمقهى الشلال وقبعنا لنا برأس شيشه ولااحلى اطلق منها هههههههههههههه
فرد عليه حسام وقال / روقنا ياابو تبينا نروح للمقهى علشان نتحارش مع الناس <--- ماله حيلة خايف ههههههههههههه
واخيرا رضخ حسام للواقع ههههههههههههههههههههههههه
( مباراة التشيك / الدانمارك )
بدأ الشوط الأول فيها بتقدم دانماركي وهجوم لكنه ماهوب ذاك الزود يعني ماعند حقين البقر الا الاطراف ويرفعون اوفرات مالها داعي بايخه <---- ياي يابايخه ههههههههههههههههههه
تحصل المنتخب الدانماركي على فرص لكنها لم تشكل خطورة فعليه على المرمى التشيكي .
وكان هذا الشوط هاديء وتحكم المنتخب الدانماركي بالكره اكثر من التشيكيين اللي كانوا موفرين حركتاتهم للشوط الثاني .
قلتلكم هذا الشوط مافيه ذاك الزود وممل . ومافيه الا كورة بوربسكي اللي بآخر الدقايق يومه وصل للثمانطعش الدانماركيه وصايحت له انا اقول له عطها باروش ياولد عطها باروش بس شكله ماسمعني بسبب ازعاج الجماهير هههههههههههههه
وطالت عليه الكوره وطلعت ضربة مرمى .
انتهى هذا الشوط بالتعادل السلبي .
( الشوط الثاني )
بدأه الزكرت التشيكيين بفورة هجومية ماهيب صاحية وطلع لعبهم المجنون اللي شفناه بالاداور الاولى .
وعند الدقيقه الثالثه من هالشوط كان اللاعب التشيكي باروش منطلق بكورة على الجهه اليمنى وحاول يحوس بالدفاع لكنها طلعت ضربة ركنية . ونفذت الضربة الركنية بطريقه حلوة ونط لها برج الفيصليه حق التشيك ( بسكوت أولكر خخخخخخخخخخخ ) اقصد كولير وصكها براسه وادخلها في الشباك الدانماركيه بكل سهولة مثل شامبو بلا دموع ههههههههههههههههههه
بعد هذا الهدف توقعت ان الدانماركيين ماهم ساكتين للتشيكيين وفعلا تحركوا الدانماركيين لكن ماش شكلهم مكثرين من الطحينيه يوصلون الى مناطق التشيك بس بلا فاعليه يذكروني بمهايطي في حارتنا دايم يسحبني يبي يدخلني بيتهم علشان اتقهوى واذا وصلت للباب قال لي : تقلع هههههههههههههههه
وفي هالاندفاع الدانماركي وصلت الكورة عند بوربسكي التشيكي اللاعب الفنان المبدع المجنون <---- مايعرف يمدح هههههههههه
وناول الكره الى ميلان باروش وخلاه في حالة انفراد مع حارس حقين البقر عاد تخبرون باروش مايرد الهديه لو على قطع رقبته ذاك اليوم مهدي له رئيس التشيك قارورة أخذها وصب فيها كلوركس هههههههههههههههههههههه
المهم ميلان باروش يوم وصلته الكوره وهو ينقزها بطريقة حلوة وفنية من فوق حارس الدانمارك ودخلت الكره المرمى كهدف تشيكي ثاني عند الدقيقه 15 من هذا الشوط .
بعد الهدف الثاني أيس الدانماركيين وصار لعبهم تأدية واجب .
ومامرت خمس دقايق على الهدف التشيكي الثاني حتى جت كره عند نيدفيد ويحطها مثل حطات فهد الهريفي لماجد عبدالله الى ميلان باروش ويقبعها ولد باروش الا هي متعلقه بسقف المرمى كهدف تشيكي ثالث .
وبعد هذا الهدف ضمن التشيكييون الفوز وضمن بعد الدنماركيين انهم طالعين وصار اللعب مثل لعب الحواري الى نهاية المباراة .
وأنتهت المباراة بفوز التشيك 3/0 على الدانمارك وتأهلها لدور الاربعه .
بس اللي قهرني ان نيدفيد أخذ كرت اصفر مال امها داعي وياخوفي يأخذ كرت ثاني قدام اليونان ثم ينحرم من النهائي زي ماانحرم من نهائي اوروبا للانديه قبل سنه <---- أحلااا ياخبير ههههههههههههه
التشيك تمشي مليون تبي الكاس 
