مباراة ( السويد والدنمارك ) /
نقدر نقول عن هالمباراة مباراة الصلعان لعنبوهم كل اللاعبين مصلعين هههههههههههههه
في مباراة النصب والاحتيال واللعب على الذقون واللحى والشوارب ,------ يسمع بالكلام هالشيشاني ههههههههههههه
لعب المنتخبين السويدي والدنماركي مباراة الجولة الثالثه بين بعضهم وحضر للمباراة جمهور كبير من السويد ومن الدنمارك ويقولون الرواة ان هالجماهير كانوا متكين في مقهى في شارع بورتو مع بعض وحتى بالماريه المقهى اسمه ( مقهى الشلال ) في مقطاع الشارع هههههههههههههههه يعني العيال مزبطينها مع بعض من قبل المباراة .
المهم دقوا الدقه الزكرت وبدأ الشوط الاول وكان المنتخب الدنماركي ماسك اللعب من جد ومكرف لعيبة السويد وتحصل للمنتخب الدنماركي كرات خطرة خاصه ان السنافي رقم سبعه اللي اسمه توماس الاصلع اللي وجهه يذكرني بنكبة 73 هههههههههههههههههه كان مقدم شغل جامد في نص الملعب وحوس بزكرت السويد . استمر الضغط الدنماركي الى الدقيقه 28 في هالدقيقه تبادل الاعبين توماس الاصلع مع توماسون الأطخم كره قبل خط الثمانطعش ويوم الكره وصلت للأطخم سالف الذكر ( ركزوا لي على سالف الذكر ) وهو تخم توماسون حالة نفسيه ينقال لها في علم النفس ( الرهاب الأجتماعي ) ويمحط بالكوره على عماها لكن الكره ماكانت خائنة ومانست العيش والملح اللي بينها وبين توماسون وهي تدقر في الزاوية اليمنى للمرمى السويدي معلنه عن الهدف الأول وطلعت الكميرا صورة لاثنين من جماهير الدنمارك وهم يعيطوا مع بعض ك-- الله لايهينك لاعاد تحلل وخذ قطتك هههههههههههههههههه
بعد الهدف حاول المنتخب السويدي ان ينظم صفوفه وحاول يضغط على المرمى الدنماركي لكن دون فائدة لان لارسون الشايب ماطق الزقاره قبل المباراة وهذا اللي خلاه يضيع بهالشوط . وانتهى الشوط الاول بتقدم المنتخب الدنماركي بهدف مقابل لاشيء .
الشوط الثاني /
بدأه المنتخب السويدي بضغط سريع ومامرت الدقيقه الاولى الا والشايب لارسون متبطح بنص الثمانطعش على باله انجرحت مشاعره ههههههههههه ويعلن الحكم ركلة جزاء للمنتخب السويدي يتقدم لها لارسون ويمحط ابوها في نص الباب معلنه عن هدف التعادل السويدي ويروح لارسون جهة الاحتياط مسوي فرحان وهو في الحقيقه رايح لهم علشان يقول للأداري الدوبي ( عطني موش سريع قبل يشوفني المرشد الطلابي العريشي هههههههههههههههههههه)
بعد الهدف دانت السيطرة للمنتخب السويدي بصورة واضحه وبدأ المنتخب الدنماركي يتراجع للخلف واستمرت السيطرة السويديه بدون ف اعليه وبدون تسجيل هدف الى ان تقدم الظهير الايسر الدنماركي رقم ثمانية والله مدري شسمه بس الظاهر انه توماس لان كل الدنماركيين اساميهم توماس ههههههههههههه ويتوغل من الناحية اليسرى ويتحصل على ضربة ركنية . ينفذها المنتخب الدنماركي وتحصل دربكه امام مرمى المنتخب السويدي وترجع الكره للعب الدنماركي اللي يشوتها بالباب لكنها تصك بواحد(ن) من حقين السويد الله العالم انه يقسط دداسن ههههههههههههههه وترجع الكره لتوماسون اللي ماتردد في وضعها داخل الشباك السويديه كهدف دنماركي ثاني في الدقيقه العشرين من الشوط الثاني .
وأستمر اللعب في منتصف الملعب مع هجمات سريعه لراعين البقر الى ان وصلنا للدقيقه الرابعه والاربعين من الشوط الثاني عندها استطاع المنتخب السويدي ان يسجل اللي متفقين عليه من قبل واصبحت النتيجه اثنين اثنين وتأهل المنتخبين السويدي والدنماركي وتركوا المنتخب الايطالي يشخص بلاعبينه وينقلع لديرتهم ههههههههههههههههههههههه
بس اللي قاهرني انه بعد الهدف التعادل الثاني طلعت لافتات من مدرجات جماهير السويد ومن جماهير الدنمارك ومكتوب عليها 2/2 يعني شكل الدعوه فيها ان وكأن واللازي منه ههههههههههههههه
اما مباراة المنتخب الايطالي والمنتخب البلغاري فماني متكلم عنها بكلام كثير لانها خلاص انقلعت ايطاليا وخربت البطولة . مع ان المنتخب الايطالي استطاع الفوز بهدفين مقابل هدف واحد للمنتخب البلغاري لكن بعد ايش بعد ماطارت الطيور بارزاقها وعقب ماسواها السويديين مع الدنماركيين مثل ماسواها الهلال مع الصفاقسي ههههههههههههههههههههههههههه
وفي الختام اقول /
عقب اسبانيا وايطاليا ياخوفي تطلع هولندا ثم بتصير بطولة اوروبا مالها طعم ولالون ولاريحه هههههههههههههههههه
التعديل الأخير تم بواسطة : زعيم زعماء اسيا بتاريخ 23-06-04 الساعة 01:45 AM.
ذاق المنتخب الجزائري من منتخبي المانيا والسويد مرارة الاتفاقات غير الرياضيه وبعدها المنتخب المغربي في فضيحة البرازيل والنرويج والحين خل منتخب اوروبي يحس بالضيم اللي مر فيه العرب اللي مالهم اي كلمه وضعوف في الفيفا ..
في قريح يا ايطاليا والمهم زيزو وربعه ومن بعدهم الطوفان .
سووها حقين البقر وطلعت ايطاليا 
