إن صــار زود الــــال بـــيــديـــن الانــــذال=== حنّا من المعروف تندا يدينا

05-09-08, 11:17 AM

الرقم #1 (المشاركة)

إن صــار زود الــــال بـــيــديـــن الانــــذال=== حنّا من المعروف تندا يدينا

بســم الله الـرحمــن الرحيــم
السلام عليكــم ورحمـة الله وبركاتــة ،،

قصيدة ,,,, الليل يا خالد..للأمير الشاعر محمد الاحمد السديرى رحمه الله وادخله فسيح جناته..

إن صــار زود الــــال بـــيــديـــن الانــــذال=== حنّا من المعروف تندا يدينا

وان كـانــهــم شــرهوا على طــيــب الافـــعـــال===حنّا وردنا جمامها وارتوينا

وان فـــكّروا لــلــجــــود يــمـــشــــون رحّــــال===حنّا قبل يمشون يّمه خطيـنـا

يــا مـــا لـــبـسنا لــلــشــــرف كل ســــربـــــال===وعلى البسيطة للفضيلة مشينا

في دوحة العربــــا لــــنـــــا مـــجــــد وظـــلال===وحنّا على در المكارم غذينا

لـــو نجمع الــلـــي فــات مـــنـــا مــن الــمــــال===إن كان شيدنا القصور وبنينا

نعطي ولا نــتــبـــع عـــطــــانــــا بــــالاقــــوال===ونبذل ونسكت كننا ما عطينا

وان بـــاعــــوا الـــشـــيـــمــة بــديـنـار وريــال===حنا دخلنا سوقها واشترينا

نطلع لهــا لـــو هـــي عـــلــى روس الاقــــذال===لو هو عسير ٍدربها ما انثنينا

بــافــعــالــنـــا نـــرســم دروب ٍ لـلاجــيــــــال===إلي نساها غيرنا ما نسينا

أســـــود ســـادات ٍ تــســجــل لــلاشــبـــــال===فضايل ٍ شمنا لها واهتديـنا

بــيــض ٍ نــســجــلــهــن جـديـــدات وسمال===حفايظ ٍ لاحفادنا اللاحقـيـنـا

نصبر على الــشّــدات لـو شــيــلــنــا مــال===لو سال دم دفوفنا ما شكيـنـا

نــخــاف يــلــقــى ســدنــــا كــل خــتّـــال===ويبني هزيلات المعاني علينا

الـلـيـل يـــا خــالـــد عــلــى والــدك طــال===وهنّيت ناس ٍ بـالكرا نايمينا

يــا عز راسي شــفــت ما خــبــث الــبــال===شي ٍ يهوّل شـيّـب الجاهلينا

شي ٍ من اسبــابــه يــشــيــب بــالاطـفــال===فطّرخشوم مهجرعات الحنينا

أديــــر قـــالات ٍ عــريـــضــات وطــوال===قالات خلنّ المخفىّ يـبـيـنا

منهن رزين الــعــقــل بـالوقت يــهــتــال===بوقت ٍعبوس ٍ فطّن الغافلينا

وقت ٍ من اسبــابــه شــكى كل ريــبـــال===نصبر ونسكت كننا غايبينا

الــنـــاس بـالأيـــــام راحــل ونّــــــزال===تفجعهم الدنيا وهم دالهينا

وحيات رب ٍ نـزل آيـــات الانـــفــــال===عالم خفايا نية الحـاقديـنـا

ما اترك طريق العدل في كل الاحوال===لو يرحل المريخ للفرقدينا

ارجو ان تنال استحسان الجميع والسلام عليكــم ورحمـة الله وبركاتــة ،،

[move=up] ابن النصر[/move]

		ابن النصر
	نصراوي عاشق

05-09-08, 12:25 PM

الرقم #2 (المشاركة)

رد: إن صــار زود الــــال بـــيــديـــن الانــــذال=== حنّا من المعروف تندا يدينا

[align=center]صح لسآنكـ ..

بس أعتقد ان مكآنها في القسم الأدبي .. أو أني غلطان ؟؟

ع العمووم قصيدهـ حلوهـ ..

ذكر الشاعر فيه شيب الأطفال وذلكـ تصوير لهول الموقف وشدته .. <<سآمعها بشاعر المليون لووووووووووولـ ..

ثآنكسيو[/align]

		شــطــه
	نصراوي عالمي متميز

06-09-08, 01:48 PM

الرقم #3 (المشاركة)

رد: إن صــار زود الــــال بـــيــديـــن الانــــذال=== حنّا من المعروف تندا يدينا

صح لسآنكَ و لسآن من قالهآ ,,

يعطيك العآفيه ,,

		اكَـيد نـصراوي
	نصراوي عالمي متميز

07-09-08, 03:34 AM

الرقم #4 (المشاركة)

رد: إن صــار زود الــــال بـــيــديـــن الانــــذال=== حنّا من المعروف تندا يدينا

صح لسان من قالها وتسلم يمين من نقلها

مشكور وماتقصر يالغلا

كل الشكر

		! فن البيشي !
	نصراوي محترف