أنا ياجماعة الربع من أهل القصيم((قولو والنعم))...وجاي للرياض عند ولد عمي عبدالمجيد...
طبعا ولد عمي هذا ماله بالكوره...لكني أخذته العام الماضي لمباراة النصر مع الشباب...ومن عقبه حلف الرجال مايخلي النصر أبد...خصوصا إن أخوه اللي أكبر منه هلالي..
المهم طلع عبدالمجيد هذا نصراوي...واخوانه الثلاثه اللي أصغر منه..
المراد أنا متحمس لمباراة العالمي...ماأدري ليش؟؟
يمكن علشانه أول مباراة راح أحضرها هالموسم...
المراد حركنا أنا وولد عمي من السلي الساعه 9،30 ووصلنا على بداية المباراة...
طبعا جمهور الشمس كالعاده ما قصر حضور مشرف جدا((طبعا ولد عمي يقول لي أتحداك يجي جمهور)) ، لكن أنا مراهنه على وجود جماهير العالمي..
صدق حقوي يوم قال:
مجنون مجنون من قال تغيب شمس العالمي...
بالنسبه للمباراة:
الشوط الأول:
بدايه حذره من الفريقين...لكن النصر كان أفضل نوعا ما...بفضل تحركات عبدالالله النصار ورقم 7 الصراحه ماأعرفه....لكنهم تميزو عن البقيه...
المهم بالشوط هذا ماكان فيه هجمات خطيره مره...ماعدا شوتات من برا ال18 للاعبين النصر...
أهم شي صار بالشوط هو طرد لاعب من لعيبة الشباب ورقمه تسعه((بس على فكره أنا اللي نحته وطردته))
سالفة اللاعب الشبابي هذا إني أعجبتن لمساته....وقلت لولد عمي الله يستر منه واللاعب فنااااان...وبعد كم دقيقه قطع منه مدافع النصر الكوره والظاهر تلفظ على لاعبنا وطرده الحكم مباشره((ومير يقول لي عبالمجيد والله وصكيته بوحده يالنضوول))
الشوط الثاني:
النصر مسك اللعب صح....ومتوزعين صح....بس نهاية الهجمه دماااار...
ومن كوره ثابته...ودربكه قدام الباب جاب الشباب الهدف الأول...وينقزون أربع شبابيين قدامي مستانسين ويناظروننا ويضحكون((من جد قهرون ورفعو ضغطي))
طبعا لاعبين النصر ماسكتوا وشنو العديد من الهجمات...لين انطلق رقم سبعه من النصر وشرب له اثنين والثالث عجز عنه وكسره جوا المنطقه وبلنتي...ويعلن عن هدف النصر الأول..
طبعا قلت للي قدامي الأربع العبره من يضحك أخيرا...قال هو بتنتهي على ماهي عليه...
المهم بعد الهدف استلج حقوي ومعه جمهور العالمي...وأعضاء مجلس إدارة الشباب حاضرين ومولعين كل شوي ملتفتين على حقوي يبغونه يسكت...
وفيه واحد شبابي الله يهديه متخللف بغى يسوي مشكله مع أحد العالميين...بس لا تخافون أسود المدرج هجموا عليه بغوا ياطون على راسه ويعلمونه قدره...
بعد كذا سجل النصر الهدف الثاني بعد مناولات حلوه ورايقه..
وبعده بدقايق كمل النصار إبداعه وسجل الثالث...
مباراة شباب العالمي((قصه هنديه هبآآآآآآآآآل)) 
))...وجاي للرياض عند ولد عمي عبدالمجيد...
((من جد قهرون ورفعو ضغطي))
[/align]
