حبيت أغير الجو شووي وأطلعكم من {هذا قـأل,,وهذا صرح,,ألأدأرة قدمت أستقألهأ,,والأدأرة مأرأح تقدم و و و ألخ..}
فجمعت لكم نكت حلووهـ ومضحكهـ...!
مـأأطوول عليكم..
نـكـت خـأأصهـ للزعيق...!
:
حكم طول عمره يتمنى يحكم للهلال مباراة ، ومستعجل المكافآت منهم ! ، قبل ما تسنتر المباراة صفر بلنتي .
· لبناني قبض عليه بتهمة رشوة ، قال : " شو ، هذا الزعيق عايش على هيدي شغله وما حدا عم بيكلمه ".
· هلالي لقى صفّارة طايحه في الشارع ، قال : " فزّ قلبي بسرور وإحساس / كم عطيتينا من فوز وكاس ".
· مدرب الزعيق ينهي الحديث عن خطة اللعب ويقول : فاهمين ياشباب ؟
المدافعين ولاعبي الوسط والمهاجمين ، كل لاعب عرف مهمته ، أما الحكم فلاعب
حرّ .
· هلالي في النادي قاعد يتفرج على الكيسان والدروع ، شاف من ضمنها ( صفّارة ) سأل عنها ، قالوا له : " هذي اُم البطولات ".
· حكم يطرّ في مسجد ويقول : " أيها المسلمون ، أنا ضعيّف وأبو عيال ، ومن زمان ما حكّمت للهلال " .
· حكم ضيّع الشيك اللي معطيه له عضو شرف الهلال، جاء يركض ويقول : "ضاع
الشيك يا طويل العمر، ما تنعاد المباراة وأفوزكم مرة ثانية ؟ ".
· هلالي جابت زوجته توأم ولد وبنت ، سمى الولد ( حكم ) ، وسمى البنت ( رشوه ) .
· سألوا هلالي مخضرم ، متى حقق الزعيق بطولة مستحقة ؟، قال : " في الواقع وأنا صغيّر أذكر حاجة زي كذا .
· هلالي نايم ، حلّم أن فريقه خذ بطولة بجدارة واستحقاق ، قام مفزوع وقال : " اللهم اجعله خير ".
· واحد يغازل وحده في التلفون ويقول : " أحبك حب الشباب للقهاوي وحب المريض للتداوي وحب الزعيق لدفع الرشاوي ! ".
· حكم طفران راح للبنك يشوف كم بقى له في الرصيد ، تفاجأ بوجود مبلغ محترم
في الحساب ، قال : " إيه صح ..... بحكم مباراة مهمة للهلال الأسبوع الجاي
".
· سؤال لنادي الزعيق : متى فزت ببطولة مستحقة آخر مرة ؟. قال الزعيق :" في
الحقيقة ..... في الواقع ..... بصراحة ........ لحظة .... إصبر أتذكر ".
· عضو شرف هلالي مهم يقول للحكم : " تستاهل ، هذا شيك وهذي شارة دولية " قال الحكم : " أموت أنا في المفهومية ".
· طفل يقول لأبوه الهلالي : " ليش الطلاب يقولون الزعيق عقيم ؟. قال أبوه : " قلهم وانا أبوك ترى فيه أطفال أنابيب ".
· طفل هلالي لأخوه : " اُمي تقول : "طلّعوا النصر من الدوري علشانه سعلو بياكلنا " .
· مشجع هلالي راح لمحل فيديو يقول : " أبغى مباراة حلوة للهلال ". قال
البائع : " تبغى مباراة أبو زندة ؟ والا مباراة المهنا أو مباراة معجب؟
.... وتبغى نصيحتي لا تفوتك مباراة الدخيل تراها حلوة " .
· معلق كوره : " الكوره مع عبدالله الجمعان يباصيها للحكم خذ وهات مع الجابر ... ياسلام قول هلالي حــــلو " .
· حكم يبي يحكم مباراة الزعيق طرف فيها ، مغصه بطنه وهو في الملعب ، راح
يركض وهو يصيح : " الله لا يبارك في الهلاليين ولا ساعتهم ولا عزايمهم
اللي ما تجي إلا عند المربّع والمباريات الحاسمة ! ".
· الفتاة لأبوها : "يبه ، شرطي في الزواج ، إن نادي الزعيق يحقق بطولة
بجدارة ومن عرق جبينه" . قال ابوها : "أجل عزّ الله عنستي يا بنيتي ".
· كأس ضاع من دالوب الزعيق وقاعدين يدورون عليه ، قال واحد : " إن كان حلال نبي نلقاه " قال هلالي : " أجل عزّ الله ضاع " .
· مدرب الزعيق يقول خطته بحماس : " ياشباب اسمعوا ، إذا جت الكوره معكم كلكم هاجموا ، وإذا جت الكوره عليكم كلكم امسكوا حارس ".
· نظام الفيفا الهلالي الجديد يقرر : ( آخر لاعب يعتبر حارس مرمى ) .
· هلالي يقول لوحده يحبها : " تتزوجيني واعطيك شقه هديه " ، قالت : " أنا
موافقة بس ياخذ الزعيق بطولة بعرق جبينه "، قال :" ما ينفع عمارة كاملة
وتنسين الموضوع ؟".
· واحد يقول للثاني : يا أخي متى آخر مرة تقابلنا فيها ؟، قال خويه :
تقابلنا ذاك اليوم اللي الحكم أبو زنده فوّز الزعيق ببطولة المؤسس ، قال
الأول : لا وانت الصادق تقابلنا ذيك المرة اللي الحكم المهنا عطى الزعيق
بطولة الصداقة !! .
· واحد يقول لهلالي : " افرض انهم صنعوا حكم آلي وش تسوون ؟ قال : بس ، بسيطة ندخل فيه كارت أزرق وأبيض ".
· الأبلة : قولي انشودة يا شاطرة . الطفلة : حطة يا بطة ... شيلي الشنطة
... فوق التندة .... لأبو زندة ..... فيها قهوة ..... وبوسه ورشوة .
· جنيّه دخلت في هلالي ، ودوه لمطوع يقرا عليه ، قالت الجنيه : " ما أطلع إلا برشوه ".
· حكم لبناني في بطولة خارجية : " بدي هيك وهيك " ، قاله هلالي : " قصدك قهوة وشيك ؟ وفوقها بوسة على خديك ".
· وحكم مصري مواعده عضو شرف هلالي ببخشيش محترم إذا فاز الزعيق ، أثناء
المباراة أحتسب ضربتين جزاء في وقت واحد ، قال : الضربة الأولانية عشان
خاطر اللاعب وقع جوا الصندوق والتانية عشان الحبايب ! .
· معلق رياضي دائماُ يخاف من صحف الزعيق يعلق على مباراة : " اوووه كوع
هلالي في وجه لاعب نصراوي ، عفواً قصدي وجه اللاعب النصراوي تضرب كوع
اللاعب الهلالي ".
· معلق رياضي متعود على المهازل يعلق : " هجمة خطرة على الزعيق ، يا سلام
يطلعها المدافع النزهان بأيده وتروح الكوره لنص الملعب وهجمه هلاليه
خطره.... و .
· هلالي حك فانوس طلع له العفريت وقال :" شبيك لبيك إدهن سيري وأعطيك .
· هلالي زلق في دورة المياه ، رفع يده يبغى بلنتي .
· حكم لزوجته : " يا حرمه وين شيك مباراة الزعيق والطائي اللي عطيته عضو
الزعيق ؟. قالت زوجته : " هقوتي إنه في الدولاب مع شيك مباراة الزعيق
والاتحاد ".
· محلل رياضي في القناة الفضائية : " فيه بلنتي على الزعيق ما حسبه الحكم ". قال عضو هلالي : " أفا ، نسينا المحلل ما عطيناه شيك ".
· حكموا على واحد في قضية اغتصاب ، قال : " تحطون حرتكم فيني ، هذا الزعيق كل يوم يغتصب البطولات ما قلتوله شيء ".
· حكم سوداني يبي يحكم مباراة طرفها الزعيق في بطولة خارجية ، قاعده زوجته
توصيه وتقول له : " شوف يا عصمان ، إحنا دايرين شنو ؟ إحنا دايرين نآكل
البزورة ، خليك مع الزعيق طوالي ، واشرط كل هدف بغمطة " .
· وحده تقول لواحد مواعدها بالخطبة والزواج : " تراني بعتمد عليك مثل اعتماد الزعيق على التحكيم ".
· حكم ماسك سرا يشتري خبز ، قاله الخبّاز : " فين فلوس ؟ " ، قال الحكم : " حسابك عند الهلالي اللي وراي ".
· مصري هلالي يتفرج على مباراة للهلال في التلفزيون ، ويقول :" يا حكم خليك زي عوايدك معانا حنيّن ، الشر ما يجيلك ولا يبيّن ".
· مدرس مسك طالب يغش ، قاله : ليش تغش يا فهد ، قال الطالب : " ابعد يدك ،
أنا هلالي ". · حكم له طفل رضيع قاعد يرضع من أمه ، وخّر عن صدر أمه وقال
: " يمّه قولي للهلال يعطينا سيرلاك ".
· حكم مات ، يوم فتحوا خزينته لقوا ضميره مخبيه مع أوراق وصكوك .
· حكم طفران ، قاد مباراة فوّز فيها الزعيق بالطريقة المعتاده ، عياله
جالسين يتفرجون على المباراة في التلفزيون ، يوم انتهت ، قاموا يقامزون
فرحانين ويقولون : " يا سلام يبي يجي ابونا ومعه شيك ونسافر في العطلة
ونتمشى ".
· حرمتين يتحدون ، تقول وحده : " أبغى ولدي يطلع عسكري راتبه كبير ومعه
بندق يدافع عن الوطن ، قالت الثانية : " وأنا أبغى ولدي يطلع حكم ومعه
صفّاره تفوّز الزعيق ويعطونه مكافآت أكثر من راتب ولدك ".
· فيه داشر جاء لم واحد عقيم ، قاله : ليش ما تسوي زي الزعيق عقيم بس يبشر كل شوي بولد ؟.
· مدرس مصري يقول لطالب غني يشجع الزعيق : إنت يا بني ، ليش ما تعمل زي النادي بتاعك ( على الحكام بيرش فلوس تجيله البطولات تبوس ).
· نادي الزعيق قاعد يحتفل ببطولة ، قال واحد من مسئوليه :" حققنا البطولات
بالتعب والجد والاجتهاد "، فجأة سمعوا صفارة ، التفتوا لقوا حكم يقول : "
واللي سمعتوها قبل شوي وين راحت من التكريم ؟ ".
· خوينا المعلق اللي دائماً يخاف من الصحافة : يا ساتر ، لاعب هلالي يشوت
رأس لاعب اتحادي ، عفوا آسف ، قصدي اللاعب الهلالي كان مرتبك وشات رأس
اللاعب يحسبها كوره ".
· حكم طفران، أتصل على عضو شرف هلالي وقاله : " أبغى دراهم وقدرها "، قال
العضو : " وين راحت الدراهم اللي عطيناك قريب ؟ " قال :" اسمع ...
المباراة الجاية بعطيكم بلنتيين والثالث مجاناً ".
وبعد موجة الأفلام الهندية التي سيطرت مؤخراً على المباريات والتي دائماً ما يكون الزعيق طرفاً فيها كانت هذه الطرائف :
· موجز الأخبار الهندية : بالتحكيمهي زندتي حقق هلالهي بطولتهي بكتير رشوتي .
· رئيس شركة أفلام هندية زعلان يقول : " كيف هذا هلال سوي فيلم هندي ما فيه اتفاق سوا سوا ".
· هندي شغل الدش لقى مباراة للهلال صاح ينادي زميله : " تعال كومار ، شوف فيلم هندي نمبر ون ".
· هندي بعد نهاية الموسم قاعد يبكي ويقول : " موسم رياضي خلاص ، كيف أنا شوف فيلم هندي ، هلال كتير كويس كل يوم فيلم ....
·
.
· هنود قاعدين يتفرجون على فيلم مباراة للهلال ومستانسين مررره وبين الشوطين قعدو يغنون : " هلال حلّي فلّي فريق ثاني خلّي يولي ".
· هندي يقول لخويه : ليش كل لاعب هلالي طيح جوا صندوق ، على طول صفارة حكم سوي قرقر ؟.
· بعد نهاية الموسم ، فيه هنود في عزبه تفاطّوا وعطوها للريس حقهم اللي
قال : " شوفوا شباب ، هذي فلوس ودي للهلال علشان هو سوي فيلم هندي جديد في
العطلة علشان إحنا ما فيه زهق ".
هههههههههههههههههههههههههههههههههههههههههههههههههه ههه,,ألنكت أهدأأء لكل هلالي..!^_*
>>...لحححححق نـكـت خــأأصهـ للزعيق,,نكت كثييييرهـ...<< 
رد: >>...لحححححق نـكـت خــأأصهـ للزعيق,,نكت كثييييرهـ...<< 
