* بعد طول انتظار وتردد طويل .. قررت إني أنزل ( مسابقة العالمي للبلاي ستيشن )
واللي انتظرها الكثير من الأعضاء ، وأعتذر عن التأخير لأسباب خارجه عن الإرادهـ
* لن أزيد كلاما ً في المقدمه ولكني أحببت أن أبلغ الجميع بأن المسابقة ستبدأ من هذا الموضوع وبالأخص ( اختيار الأنديه ) .
* يعني اللي يبي يسجل ياليت يكتب فريقه اللي رآح ودهـ يلعب فيه ، وكل فريق له عضو خاص فيـه . . .
والشريط اللي رآح نلعب فيه بلاي ستيشن 2 وهذي صورة للشريط اللي عندي واعذروني الصفاوة دمار شوي
والشريط جديد والانتقالات الجديدة ماعدا الأخيره اللي في الشهر هذا والباقي إن شاء الله تمام .. والقوائم عربي وكل شء حلو
* شرح لطريقة اللعب * " ياليت الكل يقراها عشان يعرف وش المطلوب "
- في هذهـ المسابقة لاتحتاج إلى أن تأتي إلى مكان معيّن لكي تلعب مع خصمك أو أي شخص آخر ، بل هذهـ المرهـ ستكون أنت " المدرب " و كل ماعليك فعله في هو التسجيل بفريق خاص بك من خلال هذا الموضوع ، وإذا بدأت المسابقة ، تنزل الخطة المطلوبة لفريقك والتكتيك الذي ستنتهجه في مبارياتك ، وكل مباراة لها خطه وتكتيك أنت ستطلبه ، والكمبيوتر هو الذي سيلعب ، لذا أنت ستكون المدرب واللاعبون هم من نفس الجهاز
- رآح يكون التسجيل لـ ( 26) فريق يعني كل فريق له عضو خاص به .
- رآح يكون طريقة اللعب في الشريط ( خروج المغلوب ) وستكون هناك قرعه لجميع الأنديه الـ 26.
- رآح تكون هناك تغطيه مصورهـ لكل مباراة ( الأهداف في المباراة + صورهـ للهدافين في الدوري + صورهـ لإحصائية المباراة + صورهـ لشكل الدوري بعد كل لقاء )
(( اللي مافهم للحين كيف طريقة اللعب ياليت يكتب رد تحت أو يراسلني ع الخاص لمزيد من الشرح والتوضيح ، مع إني أحس إنه وآضح ))
* الرجاء من كل عضو اختيار فريق واحد فقط ، وياليت ما أجي بكرى وأشوف عضوين مختارين لي نفس الفريق ، والأفضلية للأسبقيّة
* طبعا ً بداية المسابقة ليست من هذا الموضوع ، هذا الموضوع فقط للتسجيل في المسابقة ، ومافيه وقت محدد لإنهاء التسجيل ، متى ما اكتمل العدد رآح أغلق الموضوع وأفتح موضوع جديد للمسابقه وتكون فيه تغطيه مصورهـ بإذن الله ،،
* طبعا ً مثل ماقلنا أنتم ( المدربين ) ولازم نشوف فيه تصريحات ناريه ولقاءات صحفية ، وكل واحد له رأيه في التصريح ، ومانبي تجاوزات الله لايهينكم ، يعني لاتعدون الخطوط الحمراء باختصار نبي نفللللللللللللها بس بدون تجاوزات
* الـجوائـز *
- المركز الأول سيحصل على بطاقة شحن " موبايلي أو سوا " حسب اختيار العضو فئة ( 150) ريال + وسام يوضع تحت اسمه في مكان الصورهـ الرمزيه وهي تعبر على حصوله على المركز الأول في بطولة العالمي للبلاي ستيشن .
- المركز الثاني سيحصل على بطاقة شحن " موبايلي أو سوا " حسب اختيار العضو فئة ( 100) ريال + وسام يوضع تحت اسمه في مكان الصورهـ الرمزيه وهي تعبر على حصوله على المركز الثاني في بطولة العالمي للبلاي ستيشن .
- المركز الثالث سيحصل على بطاقة شحن " موبايلي أو سوا " حسب اختيار العضو فئة ( 50 ) ريال + وسام يوضع تحت اسمه في مكان الصورهـ الرمزيه وهي تعبر على حصوله على المركز الثالث في بطولة العالمي للبلاي ستيشن .
- المركز الرابع سيحصل على وسام فقط تحت اسمه مكان الصورهـ الرمزيه وهي تعبر على حصوله على المركز الرابع في بطولة العالمي للبلاي ستيشن
>> أخاف أقول بطاقة شحن أم 10 ومالها داعي
* أعتذر إذا كانت الجوائز مو قد الطموح لكن شيء أحسن من لاشيء
* يتم إرسال الجوائز بعد البطولة ورآح يكون فيه تراسل على الخاص بيني وبين الفائزين .
* أتمنى إنه مايجي واحد ويسجل بفريق ومن بكرى مانشوفه معنا ، يعني سجل على الطاير وطلع ولا عاد نشوفه !
ياليت اللي يسجل يهتم بالمسابقه ويقدر الجهود اللي أسويها لأجل منتدى العالمي كلوب ولأجلكم أنتم يا عالميين
ماشاء الله ,,
الله يعطيك العافية يا مخلص يا بطل .. جهد كبير وعمل رائـع تستحق عليه الثناء ,,
سجل ( فالنســـيا ) .. وبإذن الله البطولة للخفافيش ,,
نبدأ التصاريح ولا لــسى بدري :)
سارع بالإنضمام لبطولة العالمي للبلاي ستيشن ( التسجيل +الشرح+الجوائز ) المقاعد محدودهـ 
))
رد: سارع بالإنضمام لبطولة العالمي للبلاي ستيشن ( التسجيل +الشرح+الجوائز ) المقاعد محد 
