يا هيه ياما دعيتك للطريق الوجيه
لكن انت لا تقبل ادعايه ولا تسمعه
كنت احسبنك نبيه وثريك ما انته نبيه
اللي يدلك لدرب الخير ما تسمعه
بالله راجع حسابك شوف وش صار فيه؟
خسارتك من جميع الناس متوقعه
خطاك لا يمكن انك بالخطاء تحتويه
تصرفاتك واساليبك ماهي مقنعه
تبيع من يشتريك وبايعك تشتريه
مجنون ما تعرف الخمسه من الاربعه
هذا اسلوبك رخيص وباين الرخص فيه
ماتدري ان السنين الحاليه مسرعه
سويت مثل الذي اعمت عيونه يديه
كرتك سقط من سنه واتموت ما ترفعه
هذي نهاية جنونك بس باقي عليه
ينقلك من عالم الدنيا على المجمعه
يا هيه ياهوه غروبك كذا ليه ليه؟
في ذمتك كيف طعم الضربه الموجعه؟
تفكر انك ذكي وتشوف نفسك نزيه
كم شخص من سؤ تصريفه لقي مصرعه



صح لساني اتمنى ان تنال رضاكم