بـ ودي اطرح تسألي الاول واعرف رايكم بـ شئ !

رايكم بـ الدوري القطري من ناحيه المستوى واللاعبين والملاعب !
وهل تتابعون الدوري القطري !

اقتباس: المشاركة الأصلية كتبت بواسطة ----ML7----     بـ ودي اطرح تسألي الاول واعرف رايكم بـ شئ ! رايكم بـ الدوري القطري من ناحيه المستوى واللاعبين والملاعب ! وهل تتابعون الدوري القطري !

والله وأنا أخوك أحسن شي بالدوري القطري حمود سلطان


فنان لأبعد درجه ماشاء الله عليه .. محلل حلو وكوميدي من الدرجه الأولى .

أما بالنسبه للدوري كلاعبين وفرق وكذا ..

قبل .. كنت أتابع السعد والغرافه على خفيف لكن الجو بشكل عام هناك مايساعد على إنك

تتابع الدوري القطري وبنفس الوقت تشوف الأسباني والإيطالي والتشامبيونز !!

يعني مستوى فني لك عليه خصوصا باللاعبين المحليين مثل ماذكروا الشباب قبلي .

وبرضو أركز على الملاعب العالميه اللي عندهم والمحترفين الأجانب اللي مايقلون عن 4 نجوم !!

ويبقى الدوري القطري بشكل عام ( جيد )

ويحتاج المتابعه الجماهيريه الكبيرهـ وإرتفاع مستوى المحليين عندهم ..

والحضور الجماهيري مثل ماقال مشعل يمكن عشان سكان قطر قليل

بس برضو بالإمكان أفضل مما كان .. خصوصا إذا تذكرنا كأس الخليج اللي بقطر

كان الحضور يطق العشر آلآف ببعض المباريات بالراحه ..

ومستوى المحليين بالإمكان الإهتمام فيه وبعد فترهـ قريبه ممكن نشوف الأفضل

خصوصا إن سباير على قولتهم مسويه شغل نظيف وبتطلع لاعبين بالفترهـ القريبه القادمه .














توووووووشكر ياسر بيك .

والله يارائد .. المجلس حكايه من حكايا الف ليله وليله ( مشكله اللي مايعرف يبالغ )



أنا مثلك .. أيام كأس آسيا على طول أتابع المجلس عشان حمود سلطان بالأخص وعشان البرنامج ناجح عموما


حتى إن بعض القنوات صارت تقلد برنامج المجلس بس بطريقه غير مباشرهـ


ومنهم قناتنا الرياضيه .. مرت عليهم فترهـ سووا فيها برنامج يشبه المجلس بس أشوفه إختفى الحين


لأن التقليد دايم مايدوم .. بعكس الأصل .. وشوف المجلس على قناة الكاس إلى الحين متألق .







بدون تواقيع

بصــراحــه عليــهم ملاعب تخقق

احنــا ما عندنا غير الاسـتــاد الي يبيــض الوجــه

حتــى الملز اخر فتــرة صايــر * صبخــة *

انا يعني بعض الاوقــات من الفضــاوة اجلس اتــابع دوريــهم

وطول المبــاره همي شي اني احســب كم قطري يلعب في الملعب

فيــه محتــرفيــن خيــاليــن واي واحــد يبــدع حتــى لو انــه فنزولي يجنســونــه ويصيــر قطري عشــان يلعب في المنتخب انا لو اروح انقش الكورة عندهم شوي صدقنــي يجنســوني

يعني اخــر مبــاره لقطر الي مسجليــن الاهداف * ايميــرسون مع سبستيــان *

ياخي مدري كيــف يشجعون منتخبهم يعنيــي كانــك تشجع نادي مو منتخب

ايــه نرجع لدوريــهم

ودوريــهم فيــه اهداف واجد يعني طبيــعي تلاقي 4 مبــاريات في الاسبوع تنتهي 4-3 او 6-2 يعني اهداف بالهبــل

وعيبـــه انــه مع كل هذي الملاعب والمحترفيــن والقنـوات والدعايــات تلاقي جمهورهم مثــل جمهور نادي القادسيــة عندنا * اخوي عبدالله معاه خمسـه اخوياه واثنيــن شيــاب * هذا جمهور القادسيــه

يعني جد شي غريـــب يعني دوري بدون جمهور

وفيــه شي ثــاني يعني هم يبغـون يســون مثــل الدوري الاسبــاني يعني يسمون الانديــة بإسم المنطقــة الي فيــها النــادي

لكــن يعني مو اي منطقــة اسمها يصلح يصيــر اسم نــادي

يعني لو انت مثلاً تشجع الخور وش تقول لاخوياك في الاستــراحــه * انا خوراوي * ولا * انا ام صلالي * يعني مو كل المناطق اسمهــا يصــلح

كانــي طولت

نعطي المايــك لواحد غيــري

وارجع اقول * بيض الله وجــه راعي الفكره *