من تابع أمس مباراة شباب النصر .. مع شباب الهلال ... يدرك تماما أن شباب النصر لايستطيع مجاراة الفرق الكبيرة في دوري الشباب ويدرك أنه أضعف منهم بـ كثير ... يعني ماحولك أحد ..!!
الجميع أمس شاهدوا شباب الهلال وهم يفتحون شوارع بمدافعين النصر ..
لأول مرة بـ حياتي أشاهد نادي الهلال وأتحمس واستمتع معهم ..!!
كل يوم تأتينا رسالة من جوال النصر .. تم التوقيع مع رونالدو عنيزة ..!!
وتم التوقيع مع ميسي الزلفي ... وأيضا تم التوقيع مع مالديني شرورة ..!!
وتم التوقيع مع الاعبين بعد منافسة شديدة من فريق مدينة الرياض ..!!
كل لاعب يوقعون معه لازم يقولون .. وقعنا معه بعد منافسة شديدة ..!!
يمكن من سدوس ..؟؟
وفيه لاعب واحد بالهلال .. أسمه نواف العابد ... بصراحة أقولها .. أنه مسخرنا مسخرة أمس ..!!
صنع القول الأول .. وأحرز القول الثاني .. حتى أن المدافع الي أزعجونا فيه .. أسامة عاشور .. ماقدر ألا أنه يتفرج على نواف وهو يفتح شوارع فينا ..!!
ولايهون المدافع الثاني .. سلمان البقمي .. الي ظل يتفرج على الهجوم الهلال طوال المباراة ..!!
ومهاجمنا .. فهد المنيف ألي لو شاف المرمى فاضي جلس يسحب ..!!
وعبدالاله النصار أيضا ينطبق عليه نفس الحال ... أجل فيه لاعب بالعالم يدبل دبل من نص الملعب ..!!
والهلال عندهم مهاجم أسمه رائد الصويلح أحرز في مرمانا هدفين .. كل واحد أحلى من الثاني ..
بـ صراحة رغم كرهي الشديد للمدعو .. بندر بن محمد .. لكن شوفوا وش عمل بالفئات السنية لـ نادي الهلال .. لاعبينهم أتوقع لهم مستقبل كبير ..
أهنيك ياكنتاكي ... لأول مرة تسوي شي صح في حياتك ..!!
وأحمدك يارب .. أن لاعبهم محمد الشايقي مالعب .. ولا كان رحنا فيها وأصبحت تاريخية ..!!
والي مايعرف محمد الشايقي يرجع لـ مباراتنا العام معهم في الناشئين وشوفوا وش سوى ..!!
على العموم أتمنى من أدارتنا العزيزة الألتفات للفئات السنية وأحضار الاعبين المميزين ..
يارجال مشكله إذا جاء هدف مبكر في الفريق والفريق درجه شباب
راح يكون صدمه كبيره لان الخبره تخذلهم
وبالفعل جاء هدف التي بعدها طغت الروح والحماس الهلالي
وصدقني الهدف الاول هو سبب تدهور النصر في المباراه
وان شاء الله يتطور الفريق وآملنا في الناشئين كبير
لكن في شباب النادي فقط مطالبين بتحسين المركز بعد سلسلة النتائج السيئه
( نـواف العابد ) والله اللاعب ذا أتوقع إذا صعد للفريق الأول بيقول لياسر القحطاني ومالك معاذ وسعد
الحارثي في المنتخب على جنب , بصراحه لاعب ممتآز والله أقول الكلام ذا من خلال متابعتي لمباراة
الهلال والنصر وقبلها الهلال وحطين وكنت حاضر في الملعب في جيزان , بصراحه نواف العابد ممتآز وفي
نفس الوقت الهلال مهتمين فيه اهتمام غير طبيعي عشان كذا اللاعب ماخذ راحته وكل يوم يطور نفسه كثر
وأكثر , أما عندنا في النصر فهد المنيف لعب كم مباراة لعب ممتآز والحين صار ( ماعندك أحد )
لابد من الاهتمام بالشباب والناشئين عشان هم بعد الله مستقبل النصر ( ولا كلامي فيه غلط ) أتمنى إيصال
الكلام للإدارة لانه بصراحه لو أجمع لي 11 لاعب من الحارة والله احتمال راح نهزم النصر (شباب) وبنيجة كبيره
من كل قلبي ... برافو بندر بن محمد ... 
..
.jpg)
