نصيحة اذا كنت عزوبي وتاكل من المطاعم ... لاتدخل ..!
[align=center][align=center]قرف قرف كل المطاااااعم قررررف
والله من تقريبا شهرين شفت أحد البرامج ... جايبه مقاطع من تسجيلات فيديو صوورت خفيه في غرف اعداد الطعام في المطاعم في امريكا ..
والله من شفت هالبرنامج حسبي الله عليه ... وانا ناقص 10 كيلو ((أستغفر الله ...!))
يعني أنا تقدر تقولون عايش على أكل المطاعم ... لاني درست سنه أعزوبي في احد المدن .. وكان فطوري وغداي وعشاي من هالمطاعم .. وحاليا تعودت عليها فلازم تكون وجبه من وجبات الغدا او العشا في أحد المطاعم ..!
=======>> يعطيكم نبذه عن مشواره خلال السنتين عشاان يخش بالموضوع .!
المهم وش اللي جا في هالبرنامج وخلاني اترك المطاعم ؟؟!
مثل ماقلت لك البرنامج عباره عن مقاطع فيديو صورت خلسه .. يعني بدون مايدرون الطباخين ...!
هذي اللقطات اللي مافارقت مخي من شفتها ..!
طبااخ قاعد يسوي صلصله بيتزا ... وهو يسويها ... يطلع كل اللي بخشمه من اوسااخ ((ماني عارف وش اسميها)) ويحطها في الصلصه ...!!!
والمشكله البيتزا شي ضروري عندي ... وكنت اذا انهزم النصر وطلع من البطولات احط حرتي في البيتزا ..! بس الحين كل ماقربتها من فمي أقعد اتخيل الشخص اللي عطاني اياها وهو يفرغ خشمه فيها ..!
طباخ قاعد يعد عجينه ... وهو قاعد يقلب فيها طاحت من يدينه ... طبعا على الارض ... ويشيل العجينه من الارض ... ويكمل عمليه اعداد العجينه .. ويجي مره ثانيه يرمي العجينه على الارض لاكن هالمره متعمد ...! ويشيلها وقطعها الى اجزااء ..!
طبعا فيه مقاطع كثيره ... صار فيها اسوأ من هذا بس احتراما للنعمه ماراح اذكرها ..!
طبعا انا قبل مااشوف هالبرناامج كنت متعقد من اكل البيت اللي فيه خدم ..!
تبون تعرفوون ليه .. ولا كفايه قرف ...!
عموما الخدامات بنقل موضوع كامل عنهم قريته في أحد المنتديات ...!
المهم نرجع لكرهي للمطاعم ,,, والله كل مادخلت مطعم وطلبت وجبه ... وبديت ااكلها ... اقعد اطالع فيها .. اقوول هالقطعه هذي شكلها **** او هالسائل هذا اللي ينزل من هالقطعه شكله ****
اخرها قبل يومين تقريبا ... قلت خلااص لازم اتغلب على هالمشكله ... ووالله اروح مطعم بيت التنور .. وهو مطعم صيني ... على الواجهه البحريه ==========>>أعلان ببلااش ..! المهم طلبت من عندهم ... وفي البدايه جابوا شوربه (حاره حامضه بالبهارات) ===>> كذا اسمها للي يبي يجربها ..!
المهم وانا قاعد اقلب فيها ... اشووف اشياء غريبه في الشوربه ... وبدت الافكار تجيني ... شكل هاللزج هذا *** وهالقطعه السوداااء شكلها ****
طبعا الحين مابعد يجي الطبق الرئيسي ...! طبعا الصينين كل اكلهم زيت صويا ... وطبعا هو اسود فالصلصه على طوول عندهم سوداء وهالشي هذا بمقدوورة يخفى الهوايل فيه ========>> هذا تحليلي وانا قاعد اشوف الطبق الرئيسي ..!
المهم عدت على خير هالليله ... ورجعت وسويت لي بطاطس مقلي ... الشي الوحيد اللي اعرف اسويه في البيت .. بما اني اكرهه البيض والاندوومي ...!
تقولون وش الهدف من موضوعك ؟؟؟ اقول ولا ماله هدف ولا شيس ... بس قلت عسى ان احد منكم تصيبه زي حالتي ... عشاان مااكون لحالي
====>> مطييري لاتلومونه ..!
تبوون تكملون قرف الشغالات او لا ؟؟![/align][/align]
المطعم الصيني بلعكس حلو والله ..؟! وبعدين انت ليش تشرب شوربه من المطاعم ..؟
وبعدين لازم تاكل وانت مغمض مشان ماتعرف وشل بتاكل ولا تشوف الطباخين وهم يطبخون ..؟
هههههههههههههههههههههههـ
>>> هذا قانونها
والله تسممت من مطاعم كثير بس ما اقول توبه واشهرهم ماكدونالدز
وهو الى خلاني اتنوم في المستشفي الله لا يحللهم ولا يبيحهم ويقاطعونهم العرب ان شاءالله ..
بس ايسكريم ماك حلوو ..؟ >>>>ماتتوب
لكن ياخي وشلك بعوار الراس والطبخ يجيك الاكل جاهز وفي مكانك يوصل ..[/align]
[align=center]والله اعلم ان هذا البرنامج مر علي قبل كذا وفيه بلاوي كثيره
<<< من مدمني المطاعم
ليس لرغبه وانما للحاجه <<< فا اخوكم جلسته خارج البيت اكثر من داخله ولذلك لا بد ان ياخذ له
شي على السريع ولكن الحرص يجب ان يكون متواجد وضروري عند الاختيار فالمطاعم الكبرى هي
صاحبة النصيب الاكبر عندي مع اني من عشاق الرز البخاري وبجنون :D
اشكرك على التنبيه واشكرك على الموضوع الجميل
واتمنى لك التوفيق ان شاء الله
اخوك مزركش[/align]
ماني قرفان من المطعم الصيني انا قرفان من المطااعم بكبرها ...؟ والصينين الله يهديهم مدري وش يعفسون بااكلهم كل شي يحطونه ...!! ومااك ماعليه كلام ... بس بنزل مقطع فيديو عن المطاعم الامريكيه وخصوصا كنتاكي وماكدونالز ...! وبعدها نشووف راي ابوك .!
==
مون ومن ..
برضوا مثل ماقلت لاخونا عبود .. ماني قرفاان منها ..!
اما الشوربه اصلا الناس يروحون الصيني عشان شوربتهم ..! اما اكل وانا مغمض .. بالعكس كذا يزيد التفكير والتخيل ..! =========>> واحد معقد من جد ..! اما سالفه شحدني ... تعرفين اذا قالوا وش حادك على المر ... قال الامر منه ..؟! اذا مافهمتي بعدين افهمك ..!
===
شقي ... قال ايش قاال تزوج ... خلنا نفتك من قرف الاكل .. عشاان نجي لقرف هذولا اللي قلت عنهم .؟. خلنا كذا مرتاحين ولاتبين نصير مسجونين زيك ..! ؟
===
مزركش
والله انا زي حالتك .. كنت مدمن للمطاعم لحاجتي .. حيث اني اقضي كل وقتي برا البيت ..! اما البخاري حدث ولاحرج .. انشااالله اذا جيت الشرقيه بعزمك على بخااري على كيف كيفك ...! ماني مسوي له دعايه بس يقولون هو عند شاره الثقبه ..!
==== صحاري نجد
والله يابختكم بالبيك يااهل الغربيه ... هذا الشي الوحيد اللي تنحسدون عليه من بقيه الشعب السعودي .@!
======>>والله يمزززح
===
نصر
انا قعدت سنه عزوبي وماعرفت اسوي الا ان اقعد الصبااح لحالي ..!!
وعلى فكره جميع الاكلات اللي ذكرتها مااحبها ماعدا الكبسه الله يخليها لنا انشاالله؟؟[/align]
نصيحة اذا كنت عزوبي وتاكل من المطاعم ... لاتدخل ..! 
![الصورة الرمزية ][ نصر ][](images/avatars/65.jpg)
