بدون مقدمات ولا لف ولادوران <<<<< شديد وربي ها الشقي :(
بدخل في الموضوع مباشره .
في بعض الاوقات يجي موقف على بالك يضحك ولو كنت في عزاء راح تبتسم :d
وفي بعض الاوقات يضيق الكون بك وتكتم انفاسك لمحة من موقف تعرضت له او تعرض له احد من اصحابك حتى لو كنت في مسرحيه كوميديه . :(
الدنيا فيها مواقف كثيره واتمنى من اي عضو يمر على الموضوع هذا انه يتذكر معنا الواقف اللي سمع عنها او صارت له او لاحد من قرايبه وعلى فكره اللي عنده اكثر من موقف ياخذ راحته واللي موقفه يحتاج لتفصيل يتكرم ويقول اللي في باله وبدل التعليق اثنين وصدقوني مو مجرد تسليه وموضوع لاني من الناس اللي تحكي عن مواقف حصلت وفي بعض الاوقات تكون الجلسه والسمر مع الشبا ب غيرطبيعيه من سبب ثراء الانسان بالمواقف والقصص .
طريف : اذكر كنت في ساحت المدرسه وجات المعلمه وانا ما ادري انها موجوده
وخفت بشكل كبير يوم شفتها حتى قلت بسم الله .. وسمعتني المعلمه
لدرجه انها عصبت علي وقالت ليش شايفه شبح قدامك ..
ههههههههههههههههههههـ
هنا والله مت من الضحك على شكلي وانا خايفه وفي حاله ضحك في نفس الوقت ..
موقف مؤثر : التغيير الكبير الذي حدث لصديقتي وفاجئنى جداً ..
موقف سمعت به والى الان في ذاكرتك : بكاء بنت خالي الغاليه على حدث مر بحياتي
موقف شاهدته امامك : تعذبت جداً عندما شاهدت حاله جدي المريض متدهوره جداً ،
الله يشفيه يارب ..
موقف طاح فيه واحد تعرفه وتمنيت لو كنت في محله :
لو تحبني ما اعتقد انها تقبل اطيح بدالها في الموقف الى طاحت فيه ..!
موقف اضحكك :
فيه موقف يوم كنت في المتوسطه وكان لكل استاذ لقب يتداوله الطلاب ويتضاحكون عليه , في فترة الاختبارات وبعد خروجي من الامتحان سئلني احد الطلاب بشر وش سويت , قلت له وش ابشرك به وعندنا .............. انا اقول الكلام واظهري قاعه اللي عملت بها الامتحان وبصراحه كنت اخر واحد خرج من القاعه <<< ادري باللي تفكرون به
المهم هو بقط الكلمه وصرخ فيني كذا بعنف منه ............. يا السلطان
قلت له وعيوني جمر منه هو غيرك .خخخخخخخخ
المدرس تفاجأ بالرد وافهمني انه كان يحاول التغاضي عني ولكن ........ على العموم اتمنى اليوم اني اقابله واستسمح منه على قلة ادبي واشكره على حلمه معي .
موقف اثر بك :
وقت ما دخل عمي لقسم الطوارىء في المستشفى , كنت خارج القسم اتكلم مع احد الموظفين وكانت سيارة عمي قادمه ولم اعرفه ولم اعرف سائقه وحملوه امامي جثة هامده ومع الاسف ابن عمي لم يتحدث معي وحالته المزريه لم تمكنني من ان اتعرف عليه , كانت اخر مره يدخل فيها للمستشفى اللخ يرحمه ويغفر له ويعفو عنه .
موقف سمعت به والى الان في ذاكرتك :
وفاة ابن عمي خنقا في السرداب وكان من المتخلفين عقليا ويحب دائما ان يناموحده الموقف الذي اتحدث عنه هو عدم استطاعة ابن عمي الاكبر منه سنا حمله وانقاذه حتى كاد ان يموت قربه وايضا تخيلت موقفه وهو يصارع ادخنة النار الحاميه بلا حول منه ولا قوة .
موقف شاهدته امامك :
مواقف كثيره ولكن الموقف الذي اتذكره دائما هو :
عند توقفي عند اشارة المرور انعطفت احد السيارات بسرعه قادمه من الاشاره الثانيه وتفاجات بمنظر فتح الباب الخلفي وسقوط ما يشبه الكارتون منه . توقف السياره بسرعه وتدحرج الكرتون ووقوفه وسقوطه ثانيه اكد لي ولغيري انه مجرد طفل سقط من سيارة ابيه المهمل .
موقف طاح فيه واحد تعرفه وتمنيت لو كنت في محله :
فيه موقف طاح فيه واحد من الشباب قطع اشاره وانا معه ونزل يتفاهم مع الشرطي وبعد ما رجع للسياره قلت له بشر قال لي انزل معه في الدوريه عشان يوقفوني ؟؟؟خخخخخ ما دخلت عقلي هذي قلت له كيف قال فهمته انك ما تعرف تسوق وبصراحه يا بوفهد <<< اللقب قبل الزواج
انا استحي اني اركب دوريه طبعا ضحكت عليه وعلى الموقف اللي حطني فيه ووالله لو طلب مني ها مباشره ما رفضت له الطلب لاني من جد ومن قلب صادق ما احب اشوفه في مثل ها المواقف .
طبعا بحكم ذكائي الخارق .... كنت اتساءل ليه شعور البنات طويله ... وجاء الرد في نهائيات كأس العالم 86 م شفت لاعبين الارجنتين شعورهم طويله ... قلت علشان كذا !!
المهم ....
كان فيه بنت تحب تقعد لحالها وتتفرج من بعيد وفيها نعومه زايده ..... كل مااشوفها قلبي يدق بسرعه تقول طالع درج المدرسه !!
سويت ذكي ورحت لها .... قلت تعالي العبي معنا ..... قالت انقلع بس لأفقع وجهك ... بصراحه من جمالها نسيت سبتها..... وغير كذا مااحد شافني وهي تسبني !!
صرت افكر فيها كل شوي .... وانا في المدرسه وفي الحديقه وحتى في البيت وانا اذاكر الفنيه <<<< حمودي الفنيه ماتتذاكر .. اوكيه !!
قمت اراقبها من بعيد واشوف اهتماماتها .... واخيرا عرفت انها تحب تلعب مصاقيل <<< باراجون بالحجازي !!
من بعدها صرت اشتري المصاقيل واتدرب عليها <<< الحاجه ام الاختراع !!
صرت محترف في المصاقيل واختارني المدرب زاجالو في تشكيلة المنتخب !!
وابدأ اتلصق واتقرب من بيت هيا ( الله يطعني عنها ) ..... وحصلت المفاجأه ... قالت تعال العب معي !!
من الفرحه .... قلت لها اعتبري نفسك فايزه علي !!
سألتني عن اسمي .... وافرط السبحه ... حتى اسم امي اعطيتها اياه !!
هي اول من نادتني ب حمودي ...... وافضل من نطق بهذا الاسم على الاطلاق !!
طبعا توالت الايام ... كل يوم وانا معسكر عند بيتهم والعب معها .... اهلي يرسلوني اشتري خبز ... ارجع لهم بعد ساعه يقولون وين كنت كل ها الوقت..... اقول لهم الخبز بارد وانتظرت الخباز علشان يسوي خبز حار !! وانا نصاب قاعد العب مع هيا
في وحده دايم تتردد على هيا ..... بصراحه انا ماارتحت لها ... وهي بعد ماارتاحت لي !!
ونتيجة لذلك ... دبرت لي ها الشينه مكيده لن انساها مادمت حيا !!
من بعدها كرهت البنات .... واعتزلت المصاقيل مع ان ادارة المنتخب حاولت معي بس بدون فايده !!
مايستفاد مما سبق:
1- لاتدخل ايدك في حفره بتاتا .
2- البنات قليلين خاتمه حتى وهم صغار .
وسلامتكم
..
وهذا موقف ثاني له ..
درست المرحله الابتدائيه في مدرسه اليرموك في مدينة الخرج .... بصراحه مدرسه غير طبيعيه .... كل المدرسين من دول عربيه .... بس مدرس واحد سعودي وكان له اسم شهره ( ابو عميس ) .... كان عليه كف غير طبيعي ... ايدينه اكبر من وجهي !! .... طبعا انا عرفت مقاس ايدينه من كثر الكفوف !!
اللي فوق ... ماله شغل في قصتي الجايه !!
طول الله عمركم .... انا كنت منطوي في المدرسه واحب اجلس لحالي ... خاصة في الفسحه تلاقيني قاعد في الزاويه آكل ساندويش فلافل مع عصير اورنجينا <<<<< اعتقد انقرض ها العصير !!
كان فيه ثلاث طلاب في المدرسه مقطعين اربع <<<< يعني متوحشين بالحجازي !!
كل ماشافو حمودي حطو حرتهم فيه ... وانا اذرف الدمع من كثر اللي شفته منهم !!
بعد فتره صار فيه تقدم عند حمودي ... صار عنده اصحاب يقعد معهم ويلعب معهم طجمه <<<< ثلاث قواطي بيبسي و قوطيين ميرندا ... نحطها فوق بعض ونرمي عليها كوره صغيره من بعيد .... اللي يطيح القواطي هو الفايز !!
لعبه بايخه ... صح !!
اللي فوق مقدمه لقصتي الحقيقيه !!
من زماااااااااااان ومنذ مبطي ... كانت المدارس فيها مخزن للمواد الغذائيه ... يسمونها ثلاجه ..... مع انها ماتبرد !!
المهم هذا المخزن كان مكان للمذاكره لي انا وصديق الطفوله خالد ابانمي الله يذكره بالخير .
في مره من المرات .. واحنا قاعدين نذاكر ... مر علينا الثلاثي المرعب ... شافونا في الداخل ... قفلو علينا الباب من بره !!
قعدت انا وخالد في المخزن من الفسحه الى وقت الطلعه <<<<< الصرفه بالحجازي !!
وبالصدفه .... مر الفراش ( ابو قاسم ) ... وسمع الصياح .... وفتح لنا الباب ... هدومنا غرقانه من كثر الصياح !!
طبعا الفراش علم المدير ... والمدير بدوره في اليوم الثاني في طابور الصباح .. ناداني انا وخالد وقال وش اللي صار لكم ... طبعا نبي نقول السالفه ... بس واحد من الثلاثي المرعب يأشر من بعيد ويهدد ... طبعا من الذرقه <<<< الفجعه بالحجازي ..... قلنا ماندري من اللي قفل الباب علينا !!
مايستفاد من القصه:
اقسم بالله لو اشوف واحد من ها الثلاثه في المستقبل ..... اجيب العيد فيه وأذبحه... خاصة بعد مادخلت النادي الصحي الرياضي !!
وسلامتكم !!
وهذ الثالث لاهنت ..
باااااك ..
في ايام ازمة الخليج .... الله لايعيدها من ايام ..... ايام كنت اشقر وعيوني زرق ؟!
بس شكلي تغير طبعا ... بفعل العوامل الطبيعيه .... الحر والجفاف وعوامل التعريه ؟!
يعني ... راحت عليكم يا تمساحات .... بليز بدون مراسلات على الخاص ؟!
المهم ..
الكل كان ينتظر انتهاء اختبارات الفصل الاول ... علشان الكل يهج لديرته او اي مكان بعيد عن الخطوره ؟!
طبعا ... الخرج كان موجود فيه المصانع الحربيه ..... يعني الغبي كان يعرف انه راح يكون مستهدف ؟!
المهم ..... في آخر يوم في الاختبارات ..... طلعت مع باب المدرسه ... اهلي يحتروني علشان نسافر الى مدينة جده ؟!
ركبت ... ادور على ابوي وامي علشان اطمنهم على الاختبار مالقيتهم فيه .... قال اخوي راح يلحقون علينا بعد اسبوع .... قلت افااااااااا .... والله ماروح الا مع امي وابوي .... قالوا بكيفك ورجعوني البيت ؟!
دخلت البيت ..... قالوا اخوانك يحترونك عند المدرسه ..... قلت الله يستر عليهم مسكو الخط ؟!
ماحد قد حمودي .... ماخذ راحته في البيت ..... العب اتاري لحالي بدون مضايقات ؟!
وفي يوم من الايام ....
خرجت الى الحلاق لكي احلق شعري .... دخلت على الحلاق وانتظرت لين جاء دوري ... المهم يوم جاء دوري ... حط خشبه على الكرسي علشاني صغير ؟!
وشغل المكينه وبدأ يحلق شعري من الجهه اليمنى .... واذا بصافرة الانذار تنطلق في مدينة الخرج ؟!
ويشيلني الهندي ويقطني مع الباب ويقول روح لبابا ..... واهج لبيتنا كل من شاف شكلي ... قال بقره لاحسه شعره ؟!
المهم ... صفارة الانذار زاد صوتها .. وقلت مابدهاش .... اقرب بيت مفتوح ادخله ... وادخل اقرب بيت واقعد تحت الدرج .... بعد شوي دخلو اهل البيت وهم مسرعين ..... ويدخل ذاك البزر ويشوفني تحت الدرج وينفجع من شكلي ويقعد يبكي .... ابوه انتبه له وطالع تحت الدرج وشاف خشتي .... قال محمد وش تسوي هنا ... قلت له السالفه .... قام دخلني البيت وقال ادخل انت وخشتك تقول سكود مضيع طريقه ؟!
بعد مازال الخطر ... رجعت للحلاق .... وانتظره يفتح بس بدون فايده ... رجعت البيت وقال ابوي سلامات ... شكلك منقلب من السيكل ؟!
في الليل لبست الطاقيه ورجعت الحلاق ..... وكمل الجهه اليسرى .... وطلع شكلي آدمي زي الناس ؟!
المهم ...
جاء موعد السفر ... وطبعا احنا اخترنا مدينة جده على اساس انها ابعد مدينه عن الخطر ... طبعا احنا عندنا دهاء وذكاء شديد .... مايحتاج اذكركم ؟!
مواقف خالده وقصص من الواقع . حياك يا عالمي 
