خذ هالموقف على السريع :
اذكر واحد من الشباب طلع موتر جديد ( وكاله ) المهم اول ماطلع الموتر اتصل علي وقال ابي تطلع
معي شوي تشوف الموتر وتعطيني رايك وندور عليه شوي ( يبي يخلص التمرين ) المهم يوم مر علي
وطلعت انا وياه واثناء الدوران انا وياه قلت له وقف عند اقرب تموينات نشتري بارد ( نبي نبرد )
ويوم وقف وطلبنا بيبسي واول ماجاء الطلب ومشينا شوي فكيت البيبسي وتتوقعون وش صار ؟
طش البيبسي وحاس ام الدنيا كلها
التنده فوق صار لونها بيج واسود بسبب البيبسي
والطبلون صار كله تقريبا اسود
غير المراتب المخمل وثوبي اللي صار منقط بسبب البيبسي
طبعاً اخونا صاحب الموتر يقول ماعليك يفداك الموتر وراعيه
وانا اتوقع والله العالم انه يضرس علي الين اليوم بسبب البيبسي
بس انا تكفت باادخالها التلميع على حسابي ولكنه رفض ( جزاه الله خير)
يقول انت ماتقصد ولا تدري وش اللي راح يصير
وانا بصراحه فعلاً مثل ماقال هو ماادري وش اللي راح يصير
هذا الموقف على السريع
وللمعلوميه الى الان كل ماشافني يقول :
ودي اشتري موتر جديد بس خايف منك تركب معي وتشرب بيبسي
شوف عاد يا زركوشي انا ما اعرف سوال المجاملات والله انزلك من السيارة وتلمعها لو على الخط السريع .
انا العن منك
مره كنت داخل بيت واحد وكانت هذي اول مره ادخل مجلسه يعني ماكو ميانه المهم اسلم على واحد واثنين وثلاثه وقبل لا اسلم على اللي قبل راعي البيت الا انا شايت بيالة الشاهي بوز وطبعا اتجاه رجلي على راعي البيت ونص البياله في ثيابه والنص الثاني على السجاده .
يلعن ابو الاحراج يا شيخ خدودي قلبت حمر وجلست ما سلمت عليه وهو من الاحراج يبتسم خخخخخخخخخخخ
من بعد ها السالفه صارت عندي ميانه على البيالات وكل مجلس ادخله لازم اصب بياله والا ثنتين .
سلم على خويك وقول له اذا يبي يستقبلني معك نتقهوى عنده بيالة شاهي حاظرين هههههههههههه
[/align]
