مال بلا عقل على المرء نقصان
ولا ينفع المجنون كثر الملايين
اللي جلب يا طيب الذكر ريان
(عقل) السهم ماجد عميد الكبيرين
وان ردت اللي تزهمونه كحيلان
يجيب لك يا صاحبي لاعبن شين
عاينت في مرزوق وشلون تعبان
ولا بابن واكد طويل الكراعين
النصر ما ينهان لو غيره انهان
شامخ قبل فيصل وبعده وبعدين
ما عاش من ذله ولو كان ما كان
دونه رجال يسارها تصبح ايمين
يا صاحبي بلغ حبيبك كحيلان
يدفع على (الصامت)ولو بس يومين
ضحك عليه ابن مساعد وورعان
واخر زمنا مضحكة للبزارين
ليت ايتعلم من هل الفكر ذيبان
وشلون في حجته يصفع ملاعيين |