الطيب فرصه والجمايل توافيق
.........ومن لا توفق لا كتب له جماله
ومن لا رقى للطيب روس الشواهيق
..........ما زان له وقته على ما بداله
ومادام للفعول الجمايل عشاشيق
.......... كسب الجمايل ما يجي بالسهاله
ولو انها تشرب مع فكة الريق
........... كلن خذاله كل ما اصبح بياله
والطيب منوة للقلوب المشافيق
............ كلن يتوق ومنوته راس ماله
والمدح ما يزهي على الرجل ويليق
............ الا لا صارت وافيات خصاله
يستاهل شرواك بين المخاليق
............ اللي يقال ونعم لا جا مجاله |